Di hari jelang jam pemakaman dramawan dan komedian Bu Tahanusang (Tamaka Kakunsi), Minggu, 23 Juli 2023, John Piet Sondakh yang dikenal sebagai salah seorang aktor kawakan Sulut membacakan 9 puisi komedi dan 1 puisi obituari.
Pembacaan puisi dari sang aktor lepasan Institut Kesenian Jakarta (IKJ) ini ditaja seiring acara Selebrasi dan Penghormatan dari Seniman Sulawesi Utara kepada almarhum Bu Tahanusang atas karya, jasa dan pengabdiannya di dunia kesenian Sulut.
Dalam acara yang dipandu komedian Jean Waturandang dan dihadiri para seniman itu, John Piet menghabiskan sekitar 30 menit untuk penampilannya dalam memaknai kiprah, dan pengabdian sahabatnya almarhum Bu Tahanusang sepanjang karier di dunia panggung.
Berikut Narasi dan Puisi yang dibacakan John Piet Sondakh:
Narasi: Bu Tahanusang adalah seorang kemedian. Lebeh dari 30 taong tampil di panggung sama-sama deng dia banya carita grap yang torang dengar dari pa dia. So pernah dengar Bu Tahanusang Bicara Cinta? Mari torang ikuti komedi puitis bagian pertama ini:
BICARA UBI KUPAS
Bu bilang bicara bitis ada dua jenis:
ubi kupas
deng kuli ubi
bicara ubi banya jenis
cuma ubi taong ngana musti cabu deng linggis
bicara ubi kupas
ngana musti siap doi satu tas
bicara kuli ubi
jang karaskaras
jang dia rako ngana deng panta galas
Bu bilang bicara cinta
cari pasangan yang jelas
jang cuma baku tumingkas
deng orang pe bakas
karena berumah tangga
bukan cuma urusan parkakas
cari yang ikhlas
sayang pa ngana
sampe gigi rope deng napas talapas
GARA GARA BAHASA TABUBALE
Bu bilang bicara manado tulen
so ua paling span en keren
memang stengah ogob
mar ua pe nyali paling beken
sapa ndak kanal pa ua anak sabla aer
jago bahasa manado dari cubiraka sampe hibop
bahasa tabubale so ua yang paling top
saribu aid bilang ubiras
pi tidor aid bilang pi rodit
mo pulang aid bilang mo ngalup
mo ba gate aid bilang mo ba etag
babi aid bilang ibab
sebe aid bilang ebes
cuma ibu dia nemau bilang ubi
soalnya pernah enci lucy cigi-cigi
gara-gara dia ba baca; ini ubi budi
bu bilang satu kali ua jatuh cinta
dia ser nona vasung kampong cina
maya cia karenina
kancingan cina borgo arab minahasa
no ngoni bayangkan jo depe vasung bagaimana
kalo nyanda rupa sinderela jang bilang kita
mar bukang ua kalau nyanda nekat
dia kira cinta sambarang tada
hidop lawer rupa gorela
mo suka nona muka sinderela
kasiang badang bongko mamaruga
mar ua bagaya stel binaraga
dia kira boleh garta maya pe papa
raja kontao di antero ampa lima
pas sampe pa maya pe pintu rumah
maya pe papa dola kong haga stengah marah
ua pe dada langsung barasa somo tacabu nyawa
ua babale kong tumingkas rupa setang kanal goraka
mar cinta so di testa
ngoni kira ua mo menyerah
depe eso ua ba bale ulang
pe mujur apa maya yang buka pintu rumah
ua pe dada langsung rasa babunga-bunga
persetang deng sgala tatakrama
ua langsung tembak deng bahasa tafuraga
“ayam atik akus pa ente yam!”
sondor manyao, maya lap ua pe mulu
jangankan ua pe cinta
enter ua pe bibir langsung pica kong bangka
so ini tu ua pe tasoe gaga
gara-gara suka kase tabobale kata
akhirnya gigi amper patah
EPENG PE JURUS BAKODE HARIM
Bu bilang epeng cowo sindulang
muka pantera mar badang kurus kering
dapa harim orang tuminting
muka vasung mar rambu keriting
karna ni cirita jadi ditaong blung ada hape
kalo bagadang musti ada jurus baku kode
salah kode jang harap harim datang bagepe
kurang kage pontiana deng songko so rebe
malang minggu pertama
epeng lewat pa harim pe rumah
sambil manyanyi:
bulang pake payung totoruga batolor
harim kaluar lewat jandela
badekat pa epeng so tunggu di pohong pakoba
bacirita indehoy sampe poka-poka
riki mata punung tai mata
malam minggu kedua
epeng ulang lewat pa harim pe rumah
sambil manyanyi:
bulang pake payung totoruga batolor
harim kaluar lewat jandela
nyanda sangka depe papa dapa lia
supaya papa nyanda curiga
harim pura-pura pi bapunggu pakoba
malam minggu ketiga
epeng ulang lewat pa harim pe rumah
sambil manyanyi:
bulang pake payung totoruga batolor
blung te epeng pe lagu abis
dia so tasaleng planteng tamaso ka got
harim pe papa so stot tada kong skop
mo apale epeng
jangankan mo batolor
enter depe totoruga so biru di dalam calana color
II
Narasi: Torang samua tahu selain di dunia panggung, Bu Tahanusang adalah seorang wartawan. Latar belakang dari dunia jurnalis itulah kadang-kadang membuat lawakan dia dibumbui kritik cerdas dan humanis. Mari torang ikuti komedi puitis bagian kedua dengan latar kritik sosial:
BICARA GAYA
Bu bilang bicara gaya manado so nyanda lawang
biar hidop kurang ba utang
mar tu stan memang bekeng tako setang
ini sebenarnya yang torang musti herang
kiapa torang hidop kurang baku-baku lawang
ba aksi deng cara nya karuang
akhirnya orang kurang dusu-dusu utang
kiapa torang nya balajar pa torang
pe nene moyang
rajing karja deng salalu sambayang
lia tu hasil sawah deng ladang
kurang tu tangang nya mampo pegang
harusnya torang musti tahu
ni hidop tasandar pa Tuhan pe sayang
bekeng apa ba stan kiri kanang
akhirnya enter mo makang bekeng kasiang
BANYA YANG ILANG
PA TONG PE PANTE SAYANG
Bu bilang banya yang ilang pa tong pe pante sayang
samua so taganti swalayan
rumah makang deng jalang
inga-inga apa lagi ngana sayang
dari tumumpa sampe malalayang
tong pe kenangan so jadi tai ayang
tong ini so rupa anak piatu sayang
orang tua tiri bekeng suka deng sambarang
rayat kacili pe hidop kurang tongka deng tulang
tabiar-biar di kano-kano deng kusu-kusu pe sarang
haga kalao anging barat batiop
haga kadara pikiran jaha ba skop
blumleh politisi pe mulu-mulu
kurang siguju-siguju janji-janji palsu
MANADO MOOI
Bu bilang manado memang mooi
banya tampa indehoy
dari kantor sampe loby
semua bicara urusan gidi-gidi
manado memang mooi
anak muda suka yang assoy
nyanda pikir sana-sini
akhirnya kurang kaweng konvoi
manado memang mooi
soal gaya deng urus diri
karena hidop belum mampu mandiri
laste jadi papancuri
manado memang mooi
banya politisi rupa kurcaci
puji sana puji sini
biar ndak doi mimpi jadi walikota atau bupati
manado memang mooi
depe pengusaha rupa bivi
sogok sana sogok sini
akhirnya karja proyek rugi
manado memang mooi
bini sasadiki lapor polisi
karena laki pukul deng besi
gara-gara dia so kalah maeng judi
ini puisi juga mooi
depe besae rupa muka tikus mati
puisi manado memang bagini
pake bahasa pasar jengki
III.
Narasi: Sebagai seorang penyandang gelar sarjana sosial politik (S. Sos), torang juga semua tahu Bu Tahanusang juga bergiat di dunia politik dan Ormas. Tema-tema lawakan politik dia begitu kritis dan unik. Mari torang ikuti komedi puitis bagian ketiga dengan latar kritik politik:
POLOTIK BEKENG GILA
Bu bilang polotik memang bekeng banya orang jadi gila
biar ontak tuturuga suka jadi bupati atau walikota
dasar modal cuma mulu rica deng tai mata
enter jadi calon ndak ada partai mo haga
ada partai kase calon modal vasung gaga
sedang tapilih nentau mo bekeng apa
karja cuma raba-raba akhirnya maso panjara
karna bawahan so kase cilaka
adaleh tu manusia kapista nentau bicara
maso polotik vor jadi pejabat negara
lima taong wowo sambunyi kapala rupa tuturuga
mar studi banding ka mana-mana cuma mo cari doi balanja
ini kasta-kasta bagus iko sama deng jaman jepang balanda
ika di pohong banyak laga deng bivi merah
supaya dorang tau bagaimana rayat pe menderita deng sengsara
jang ngoni kurang ja ambor tai gigi deng setang sagala rupa
JANJI KONGA
Bu bilang ada satu Manado pe payah
suka bajanji mar janji konga
cirita so sampe di Klabat pe testa
ujungujung konga samua
ini sebenarnya kalakuang jaman parmesta
pukul carita deng janji-janji sagala rupa
enter ayang so kincing tu janji tara mo dapa
soal ba konga miskin deng kaya nya depe beda
apalagi politisi pe carita
manis di bibir, mar lida tulang sasaja
barani ngoni parcaya “kasiang pirua”
so di situ no ngoni taboto gaga
POLOTIK GAYA BEBE
Bu bilang masih pagi Neles dapa lia so weles
waktu kampanye Neles fressko en neces
Anes bilang maklum; “dia kwa tim sukses”
di mana calon pigi, di situ Neles pigi
di mana calon basinggah, di situ Neles basinggah
saat calon kalah, Neles pe semangat trus patah
rupah tusa jatuh di tai minya
Bu bilang bilang maklum;
“polotik gaya bebe mana mo dapa suara
tim sukses cuma iko-iko calon pe panta”
laste tangangah-ngangah
di tps nya ada suara
IV.
Narasi: Kamis, 20 Juli 2023, dunia hiburan Sulut berduka atas berpulangnya sang komedian handal Bu Tahanusang. Sosok yang aslinya bernama Tamaka Kakunsi ini juga dikenal sebagai tokoh teater Sulut yang berkiprah selama 30 tahun di Teater Dian, sebuah grup yang kental dengan genre komedi. Selebihnya dia adalah tokoh pers yang bekerja hingga pensiun di Harian Manado Post.
Tamaka Kakunsi, yang akrab disapa Bu adalah seorang sarjana sosiologi lepasan STISIPOL Merdeka Manado. Ia jurnalis yang menghabiskan banyak tahun berkarier lewat Harian Manado Post.
Dramawan kelahiran 27 Juni 1952 ini bukan orang baru di dunia teater. Sejak mukim di Karangria pada penghujung 1970-an, Bu sudah dikenal sebagai sutradara sandiwara yang kerap mementaskan karyanya. Ia juga pendiri grup komedi Petra Grup yang sempat menjadi grup lawak terbaik dalam festival lawak se Provinsi Sulawesi Utara tahun 1983.
Kemudian selain menjalankan tugas kewartawanan, BU aktif berkarier di dunia hiburan lewat televisi dan panggung drama bersama Teater Dian yang digawangi sutradara Loegman Wakid.
Di layar kaca Bu tercatat ikut main dalam drama-drama dengan genre yang berbeda, namun ia lebih dikenal sebagai si jenius dalam genre komedi.
Untuk menghormati jasa, karya, dan kebaikan beliau, kami komunitas seniman Sulawesi Utara mengucapkan terima kasih atas pengabdianmu sepanjang hidup di panggung seni Sulawesi Utara. Selamat Jalan sahabat, selamat jalan seniman sejati. Tuhan Yesus menyertaimu di surga kekal. Amin.
SEBUAH PETA DALAM SAJAK DUKA
di hari seperti ini, saat kehilangan dirayakannya dengan air mata
ayah terasa tak saja bermakna Papa atau opa
ia doa yang pernah ada, terus menyusun usia di ubun kita
anak-anak dan cucu akan melihat peta
terbuat dari cahaya pada sayang
pada kasih yang dulu ia terjemahkan
dalam kerja, pengabdian yang tak mengenal letih lelah
seapapun ayah, ia selalu tempat anak cucu berguru
dan menimba berkah
suaranya dongeng yang elok, jalan lurus tak berkelok
katakatanya benih terbaik, tumbuh jadi pohon
cabang, kembang dan dekapan menuju esok
bahkan dengan airmata tersembunyi ia mengajari kita
melewati rimpang, tembok dan gelombang
karena ia selalu peta cahaya dan air mata
tak ada bisa mengantikannya di malam seorang anak
di mata seorang cucu, saat ketakutan mengintip
atau dada terasa poyak
ayah adalah ranjang hangat, di sana anak cucu
menepihkan penat dan harap, juga lelap
bila hari menjadi pagi, ia mendandani anaknya tak saja dengan baju
tapi juga balut senyuman. seapapun ia
ayah adalah matahari yang sahaja kerena terang sayangnya
tak ada lebih terang dari mata hati ayah melenterai kita
pada ketika harihari tersaput kabut atau putus asa melilit
di hari seperti ini, saat kehilangan dirayakannya dengan air mata
ayah terasa tak saja bermakna papa atau opa
ia doa yang pernah ada terus menyusun usia di ubun kita
ia harapan-harapan dibuat Tuhan untuk jalan
mengantar kita semua membaca kenangan
tentang dekapan, kasih, dan sayangnya
selamat jalan ayah, opa, sahabat, seniman sejati yang kami cintai
doa puja kami biarlah menjadi jalanmu menuju surga abadi. (***)
Penulis dan editor: Iverdixon Tinungki
Tidak ada komentar:
Posting Komentar